Guovlohálddahusvirgedoaimmahagat

Guovlohálddahusvirgedoaimmahat ovddida vuođđovuoigatvuođaid ja rivttiid ollášuvvama, vuođđobálvalusaid fidnema, birasgáhttema, birrasa bistevašgeavahusa, dorvvolašvuođa sihke dearvvas- ja dorvvolaš eallin- ja bargobirrasa.  Guovlohálddahus dikšu maiddái láhkamearrádusaid doibmiibiju-, stivren ja gohcindoaimmaid  guovlolaččat.

Guovlohálddahusvirgedoaimmahaga doaimmaid  stivrejit lágat ja gávcci ministeriija. Guovlohálddahus lea ministeriijjaid ovddasteaddji ja ovddida ministeriijjaid doaimmaid guovlluin.

Guovlohálddahusvirgedoaimmahat stivre , gohcá ja ovddida maistrahtaid doaimmaid.

Nannan-Suomas leat guhta guovlohálddahusvirgedoaimmahaga. Ålandda guovlohálddahusvirgedoaimmahahkan doaibmá Ålandda stáhtavirgedoaimmahat.

Višuvdna

Suopma lea dásseárvosaš, buresbirgejeaddji ja dorvvolaš servvodat.

Guovlohálddahusvirgedoaimmahat  ovddida ovttaveardásašvuođa, áššiid ja ovttasbargoguimmiid ja bargiid árvvusdollon, ehtalaččat doaibmi máŋggasuorggat áššedovdi ja ovttasbargoguoibmi.

Doaibmanjurdda

Guovlohálddahusvirgedoaimmahat ollášuhtta guovlolaš ovttaveardásašvuođa ovddideamen riektedorvvu, buresbirgejumi ja dorvvolašvuođa ovttas eará doibmiiguin.

Árvvut

Áššehasvuolgga

Guovlohálddahusvirgedoaimmahat bálvala áššehaččaid áššedovdámušain ja ustitlaččat.  Aššiid dikšun lea dáhkkon álkin ja oktageardánin.

Vuoiggalašvuohta

Guovlohálddahusvirgedoaimmahat bálvala áššehaččaid, bargoveagas ja ovttasbargoguimmiidis vuoiggalaččat, dásseárvosaččat ja ovttaveardásašvuođain. Virgedoaimmahaga čovdosat ja mearrádusat leat objektiivvalaččat ja áššálaččat vuođustuvvon ja daid vuođđun leat  duođalašáššit ja dat leat bealehisvuođain guorahallojuvvon. Guovlohálddahusvirgedoaimmahagat doibmet rabasvuođain ja čuvvot buriid hálddahusprinsihpaid.

Vásttolaš

Guovlohálddahusvirgedoaimmahat doaibmá ovddagihtii, luohtehahtivuođain, vásttolaččat ja čuovvu bistevašovdanumi prinsihpaid. Virgedoaimahat fuolaha bargoveagas ja dan buresbirgejumis, seammaláhkai go áššehaččain ja eará ovttasbargoguiimmiinge.

Ovttasbargu

Guovlohálddahusvirgedoaimmahat ohcá aktiivvalaččat ovttasbargui hálddahusa ja servvodaga eará dásiid ovddasteddjiiguin  álo go doaimmat ja áššit gáibidit dan.

Uppdaterad
Skriv ut Skriv ut
Dela